Riadh sìmplidh
Ma chuireas tu airgead ann am banca no ann an comann-thogalach, bheir iad dhut riadh air an airgead sin.
Ma gheibh thu airgead air iasad, bho bhanc no bho chomann-thogalach, airson morgaidse no iasad eile, feumaidh tu riadh a phàigheadh dhaibh.
Tha riadh sìmplidh air obrachadh a-mach gach bliadhna agus bidh e a rèir ìre an rèidh. Bidh an riadh mar as trice ga thoirt per annum (p.a.) a tha a' ciallachadh gach bliadhna.
Eisimpleir
Chuir Sally \(\pounds600\) ann an cunntas le ìre rèidh de \(5\%\) gach bliadhna.
Obraich a-mach an riadh a gheibh Sally ann an aon bhliadhna, agus dè na tha de dh'airgead aice sa chunntas às dèidh bliadhna.
Riadh \(= 5\%\,de\,\pounds600\)
\(= \frac{5}{{100}} \times 600\)
\(= 0.05 \times 600\)
\(= \pounds30\)
Balans ùr \(= \pounds600 + \pounds30 = \pounds630\)
Às dèidh bliadhna bidh \(\pounds630\) aig Sally.
Feuch a-nis a' cheist seo:
Question
Tha cunntas-banca Jamie a' pàigheadh riadh de \(4.3\%\) sa bhliadhna. Ma chuireas e \(\pounds850\) dhan chunntas aige, dè na bhios aig Jamie às dèidh bliadhna?
Riadh \(= 4.3\%\,de\,\pounds850\)
\(= \frac{{4.3}}{{100}} \times 850\)
\(= 0.043 \times 850\)
\(= \pounds36.55\)
Balans ùr \(= \pounds850 + \pounds36.55 = \pounds886.55\)
Às dèidh bliadhna bidh am balans aig \(\pounds886.55\)