±«Óãtv

Noson C2 yn Gwyl Swn 2010

Nôs Wener, 22 Hydref yng Nghanolfan Chapter, Caerdydd cynhaliwyd Noson "±«Óãtv Cymru: Bethan Eflyn, Adam Walton a C2 yn Cyflwyno...". Yn chwarae roedd Drains, Cyrion, Bastions a Young Legionnaire, Y Bandana, Wickes, Victorian English Gentlemens Club a Peggy Sue a mi roedd Huw Evans yno yn holi'r artistiaid ar ran C2.

Take That ar daith!

Mewn datganiad ar eu gwefan, cyhoeddodd Take That dyddiadau a manylion eu taith nesaf, Progress Live. Mae tocynnau'r daith 20-dyddiad, sy'n cynnwys chwech dyddiad Ewropeaidd, yn mynd ar werth 9am fore Gwener 29/10/10. Mae'r band yn rhyddhau ei halbym newydd, Progress, mis nesaf - y cyntaf i gynnwys Robbie Williams ers Nobody Else. Mwy o fanylion:

The Stand - I'll Be There

Cafodd y sengl "I'll Be There" ei ryddhau ddoe, 25/10/20 a daeth Owen Powell ar rhaglen Tudur a Caryl i drafod ei sut ddaeth yr holl beth o gwmpas. Aelodau The Stand: yw Guto Pryce (Super Furry Animals), Ryan Richards (Funeral for a Friend), Owen Powell (gynt o Catatonia) a Jonathan Owen (The Pocket Devils). Ar hyn o bryd mae'n sefyll yn rhif 7 yn siart senglau Amazon! Mae gwreiddiau'r gân "I'll Be There" yn ymestyn yn ôl i hanner cyntaf yr ugeinfed ganrif, ac yn benodol, i adeg Streic Gyffredinol 1926, sy'n ei gwneud hi'n un ganeuon pêl-droed hynaf yn y byd. Fred Keenor oedd capten Caerdydd a gododd yr FA cup yn nôl yn 1927 er iddo gael ei anafu ym mrwydr y Somme, yng Nghaerdydd. Mae'r sengl yn rhan o apêl i godi cerflyn mewn côf iddo.

Gruff Rhys ar C2

Mi fydd Gruff yn westai ar rhaglen Huw Stephens nos Lun, 8 Tachwedd, i drafod ei sengl newydd, y daith ym mis Tachwedd a rhyddhau DVD ei ffilm Seperado. Mi fydd Gruff Rhys yn HMV Caerdydd ar ddydd Llun Rhagfyr 8fed yn arwyddo copiau o DVD y ffilm fydd ar werth yno. Yr wythnos yma hefyd mae Gruff wedi rhyddhau sengl am ddim a chyhoeddi dyddiadau ei daith nesa. Enw'r gân yw Shark Ridden Waters a mae hi ar gael o .

WOMEX 2010

Am y tro cyntaf erioed eleni, bydd cerddorion o Gymru yn perfformio'n arddangosiad cerddoriaeth byd WOMEX 2010. Cynhelir WOMEX yn Copenhagen, Denmarc rhwng 27-31 Hydref 2010. Dyma ymgynulliad mwyaf y byd ar gyfer cerddoriaeth ethnig, draddodiadol, amgen, leol ac mewn ieithoedd lleiafrifol. Bydd llwyfan Cerdd Cymru yn cael ei arwain gan y delynores Catrin Finch a fydd yn perfformio ynghyd a Calan, 9bach a Mabon. Bydd parteriaeth Cerdd Cymru a sylfaenwyd gan Celfyddydau Rhyngwladol Cymru a Sefydliad Cerddoriaeth Cymru yn cael ei lawnsio yn Copenhagen. Mwy o wybodaeth: