±«Óãtv

Tha coig bliadhna fichead air a' mhìos seo bhon a ghabh Peanaidh NicAonghais à Baghasdail an Uibhist a Deas na ciad bòidean aice airson a bhith na bean-chràbhaidh còmhla ri òrdan Mnathan Cràbhaidh a’ Chridhe Uile Naomh.

Ged a thàinig a' smuain thuice nuair a bha i sna ficheadan, bha Peanaidh còrr air dà fhichead bliadhna nuair a cho-dhùin i gum b' e sin gu cinnteach an t-slighe a bha i airson a leantainn na beatha. Dh’fhalbh Peanaidh à Uibhist ann an 1996 gu ruige Chigwell far an robh an t-òrdan seo stèidhichte agus ged a bha i teagmhach aig amannan sa chiad bhliadhna agus an cianalas cuideachd ga bualadh, lean i oirre agus ghabh i a ciad bòidean ann an 1999. Bha aice rin ath-nuadhachadh a h-uile bliadhna gus an do ghabh i an fheadhainn mu dheireadh ann an 2003 sa sgìre aice fhèin. B’ e sin a' chiad turas a ghabh bean-chràbhaidh à Uibhist na bòidean crìochnachaidh aice na paraiste fhèin.

Tha Peanaidh an-diugh stèidhichte ann am Poll a’ Ghrùthain agus a’ cur seachad tòrr ùine a' siubhal air feadh na dùthcha an sàs ann an obair miseanaraidh. Chaidh am prògram seo a chlàradh ann an 2003 nuair a ghabh Peanaidh na bòidean crìochnachaidh aice.