An loidhne as freagarraiche
'S àbhaist gum bi an loidhne as freagarraiche air diagram-sgapte.
Bidh an loidhne air a tarraing air dhòigh is gum bi na puingean sgapte gu cothromach air gach taobh dhen loidhne.
Tha iomadh dòigh ann air seo a tharraing 'gu mionaideach' ach cha bhi agadsa ach an loidhne a tharraing 'leis an t-sùil'.
Nuair a bhios tu a' tarraing na loidhne as freagarraiche, cleachd rùilear trìd-shoilleir airson gum faic thu mar a tha an loidhne a' fiotadh eadar gach puing mus tarraing thu i.
Question
Chaidh àirde agus cuideam 20 sgoilear ann an clas a chlàradh. Chì thu an toradh air an diagram-sgapte gu h-ìosal.
Tha Katie \(148\,cm\) a dh'àirde. Tarraing an loidhne as freagarraiche agus cleachd i airson tuairmse a thoirt air a cuideam.
Bidh sinn a' tòiseachadh le bhith a' tarraing na loidhne as freagarraiche.
Tha Katie \(148\,cm\) a dh'àirde. Mar sin bidh sinn a' tarraing loidhne dhìreach suas bho \(148\,cm\) air an axis chòmhnard gus an coinnich i an loidhne as freagarraiche, agus an uair sin a-null gus an coinnich i ris an axis bheartagail.
Tha mu \(52\,cg\) a chuideam ann an Katie.
Bhon a tha thu a' tarraing na loidhne as freagarraiche 'leis an t-sùil', 's iongantach gum bi an aon fhreagairt agad fhèin 's aig do charaid.
Co-aontar na loidhne as freagarraiche
'S e dòigh eile air tuairmse fhaighinn co-aontar na loidhne as freagarraiche a chleachdadh.
Feuch a' cheist seo:
Question
'S e co-aontar na loidhne as freagarraiche \(l = 1.5\text{à} - 170\)
Cleachd an co-aontar airson tuairmse fhaighinn air cuideam Louise, a tha \(156\,cm\) a dh'àirde.
Ionadaichidh sinn \(\text{à} = 156\) dhan cho-aontar.
\(c = 1.5 \times 156 - 170\)
\(= 234 - 170\)
\(= 64\)
Mar sin, tha mu \(64\,cg\) a chuideam ann an Louise.
A' tighinn gu co-dhùnadh
Uaireannan bidh agad ri cunntas a thoirt air suidheachadh a nochdas air graf-sgapte.
Feuch a' cheist seo:
Question
Rinn Clas 1C2 deuchainn ann am Beurla agus ann am Matamataig. Seo diagram-sgapte dhe na toraidhean aca.
Tha Cameron ag ràdh ma fhuair thu comharra math ann am Matamataig gu bheil deagh theansa gun d' fhuair thu comharra math ann am Beurla. A bheil e ceart anns a' bheachd seo?
Cuimhnich gum feum thu adhbhar a thoirt airson do fhreagairt.
Chan eil Cameron ceart anns a' bheachd seo oir tha an diagram-sgapte a' sealltainn nach eil co-dhàimh idir eadar na comharran ann am Matamataig agus na comharran ann am Beurla.