Tomhas sgaoilidh
An raon
'S e an raon aon dòigh air tomhas dè cho sgaoilte 's a tha na h-àireamhan.
'S e an raon an diofar eadar na h-àireamhan as motha agus as lugha.
Seo toraidhean Kieran a-rithist:
\(10, 14, 10, 12, 11, 10, 11, 12, 10, 11, 9, 12\)
'S e \(14\) an àireamh as motha aig Kieran agus 's e \(9\) an àireamh as lugha, agus mar sin 's e an raon \(14 - 9 = 5\).
Airson an raon aig seata àireamhan a lorg, feumaidh tu:
- an àireamh as lugha a lorg
- an àireamh as motha a lorg
- an àireamh as lugha a thoirt-air-falbh bhon àireimh as motha
- fios a bhith agad gun canar an raon ris an diofar eadar an àireamh as motha agus an àireamh as lugha.
Question
Dè an raon aig an t-seata àireamhan seo?
\(5, 8, 3, 6, 2, 8, 6, 9, 3\)
An àireamh as lugha \(= 2\)
An àireamh as motha \(= 9\)
Raon \(= 9 - 2 = 7\)
A' coimeas dàta
Tha fios againn gur e 11 cuibheas na h-àireimh de thragan air clàran Kieran.
Chunnt Deepa cuideachd an àireamh thragan air na clàran aice agus dh'obraich i a-mach gur e 11 an cuibheas aice cuideachd.
Seo toraidhean Deepa:
\(2, 20, 3, 17, 20, 4, 3, 16, 4, 5, 19, 18, 12\)
Mar sin cho-dhùin i gun robh na toraidhean aice gu math coltach ri toraidhean Kieran, ach chan ann mar sin a tha.
Seo toraidhean Kieran:
\(10, 14, 10, 12, 11, 10, 11, 12, 10, 11, 9, 12\)
Cuimhnich, 's e \(5\) an raon aige.
Ged a tha an cuibheas aig Deepa an aon rud ris a' chuibheas aig Kieran, tha na toraidhean glè eadar-dhealaichte. Tha cuid dhe na toraidhean gu math nas motha no nas lugha.
Tha an àireamh thragan air na clàran aig Deepa a' dol eadar \(2\) is \(20\).
Raon \(= 20 - 2 = 18\)
Mar sin 's urrainn dhuinn barrachd fiosrachaidh a shealltainn le bhith a' toirt tomhas an sgaoilidh a bharrachd air cuibheas.