Labhairt
Eisimpleir de mheasadh labhairt a dhà
Seo pàirt de labhairt aig Ìre Nàiseanta 4 a bha eadar sgoilear, Màiri, agus tidsear.
'S e an cuspair a tha aig an sgoilear: "Tha ceòl cudromach."
Pàirt de òraid: Tha ceòl cudromach – Pàirt 1
Earrann-obrach A
Tha thu air èisteachd ri Màiri a' toirt seachad òraid. Seo na bha air iarraidh oirre.
- Gun cumadh i ris a' chuspair.
- Gum biodh deagh structar aice.
- Gum biodh beachdan ùra agus inntinneach aice.
- Gum biodh a beachdan air a' chuspair soilleir agus gum biodh adhbharan aice air an son.
- Gum biodh briathrachas freagarrach aice.
- Nach cleachdadh i na h-aon abairtean a-rithist 's a-rithist ach gun cleachdadh i diofar dhòighean air rud a ràdh.
- Gun deigheadh a tuigsinn gu furasta.
- Gun atharraicheadh i a ghuth, a dòigh-labhairt agus an t-astar aig am biodh i a' bruidhinn gus am bhiodh na bha i ag ràdh air a neartachadh.
Dè cho math 's a chaidh aig Màiri air na rudan sin a choileanadh?
Èist ris an òraid a-rithist. Smaoinich mu do bheachd fhèin air freagairt gach ceist. Nuair a nì thu sin, brùth 'Seall freagairt' agus nochdaidh beachd an tidseir air gach ceist.
Ceistean
Question
- An do chùm i ris a' chuspair?
- An robh deagh structar aice?
- An robh beachdan ùra agus inntinneach aice?
- An robh a beachdan soilleir agus an robh adhbharan aice air an son?
- An robh briathrachas freagarrach aice?
- An do chleachd i diofar dhòighean air an aon rud a ràdh?
- An deach a tuigsinn gu furasta?
- An do dh'atharraich i a guth, a dòigh-labhairt agus an t-astar aig an robh i a' bruidhinn gu h-èifeachdach?
- Chùm gu ìre. Bhruidhinn Màiri mun chuspair Tha ceòl cudromach dhomh seach Tha ceòl cudromach.
- Bha. Bha e follaiseach gun robh i air beachdachadh air dè bha gu bhith na h-òraid.
- Bha beachd no dhà aice air a' chuspair, me tha ceòl den a h-uile seòrsa a' còrdadh rium, cho fad 's a tha e ceòlmhor. 'S e fiosrachadh as motha a bha i a' toirt seachad ge-tà.
- Bha am fiosrachadh soilleir agus bha adhbharan aice airson cuid de na bha i ag ràdh, me Air a' bhus dhan sgoil sa mhadainn cha bhi mi fhìn 's mo chàirdean a' bruidhinn - tha e ro thràth.
- Bha. Thagh i faclan sònraichte a chuidich i ann a bhith a' lìbhrigeadh na h-òraid, me cluicheadair mp3, ceòlmhor, còmhlan...
- Dh'fhaodadh i obrachadh air a seo. Thòisich na trì prìomh pharagrafan le Nuair a...
- Chaidh. Bha a' Ghàidhlig furasta a thuigsinn. Bhruidhinn i aig astar freagarrach.
- Dh'atharraich. Bha e soilleir gu bheil ceòl cudromach dhi bho na faireachdainnean a bha na guth.