|  |
 |
 |
 |
|
|
|
|
 Mari George
Holi awdur, Y Nos yn Dal yn fy Ngwallt
Beth yw eich gwaith?
Golygydd Sgriptiau ac awdur i Pobol y Cwm
Pa waith arall ydych chi wedi bod yn ei wneud?
Golchi llestri mewn caffi ym Mhen-y-bont, gweithio yn Marks and Spencers, cyfieithu i gwmni Araul yn Llantrisant a gweithio yn wirfoddol gyda phlant y stryd ym Mecsico.
O ble'r ydych chi'n dod?
Pen-y-bont ar Ogw.
rLle'r ydych chi'n byw yn awr?
Grangetown, Caerdydd.
Wnaethoch chi fwynhau eich addysg?
Na. O'n i'n breuddwydio gormod i ganolbwyntio. O'n i wastad yn colli'r bws yn y gobaith o gael diwrnod bant. Yr unig beth nes i ei fwynhau oedd lefel A Cymraeg.
Beth wnaeth ichi sgrifennu eich llyfr diweddaraf ac a wnewch chi ddweud ychydig amdano?
Mae'r gyfrol yn gasgliad o gerddi a luniais yn ystod y deng mlynedd diwethaf - sef cyfnod fy ugeiniau. Dw i wedi trio adlewyrchu profiadau dwys, llawen, anaeddfed ac ansicr person ifanc. Mae'n nhw'n dweud mai fi yw'r person cyntaf i ddod a PMT i fyd barddoniaeth Gymraeg!
Pa lyfrau eraill ydych chi wedi eu sgrifennu?
Dim ond y gyfrol Pili Pala pan enillais y Fedal Lenyddiaeth yn Eisteddfod yr Urdd 1994.
Pa un oedd eich hoff lyfr pan yn blentyn?
The Lion the Witch and the Wardrobe - CS Lewis.
A fyddwch yn edrych arno'n awr?
Na, ond dw i'n meddwl amdano'n amal am ryw reswm!
Pwy yw eich hoff awdur?
Dylan Thomas, Ian Martell, Robin Llywelyn.
A oes unrhyw lyfr wedi gwneud argraff arbennig neu ddylanwadu arnoch?
Y Beibl.
Pwy yw eich hoff fardd?
Gerallt Loyd Owen ac Emyr Lewis.
Pa un yw eich hoff gerdd?
Fy ngwlad - Gerallt Lloyd Owen a Rhyddid - Casgliad o gerddi Emyr Lewis a enillodd y goron iddo ym Mro Ogwr.
Pa un yw eich hoff linell o farddoniaeth?
...rhwng y coed ar lannau Taf noswyliwn mewn dawns olaf yn sŵn brainryw noson braf
Pa un yw eich hoff ffilm a rhaglen deledu?
Fy hoff ffilm yw Don't Look Now a fy hoff raglen deledu yw Sex and the City.
Pwy yw eich hoff gymeriad a'ch cas gymeriad mewn llenyddiaeth?
Fy nghas gymeriad yw cymeriad y fam yn Sons and Lovers - D H Lawrence.Fy hoff gymeriad yw Branwen yn y Mabinogi.
Pa ddywediad, dihareb, adnod neu gwpled sydd agosaf at y gwir?
Man gwyn man draw.
Pa un yw eich hoff air?
Heddwch.
Pa ddawn hoffech chi ei chael?
Y ddawn i ganu'n wefreiddiol.
Pa dri gair sy'n eich disgrifio chi orau?
Trwsgwl,
brwdfrydig,
hapus.
A oes rhywbeth yr ydych yn ei ddrwglecio amdanoch eich hunan?
Dw i methu gwneud penderfyniadau.
Pa berson byw neu hanesyddol ydych chi'n ei edmygu fwyaf a pham?
Hywel Teifi Edwards am ei allu i siarad yn synhwyrol ac angerddol yn ddibaid a pheidio bod ofn dweud ei farn.
Pa ddigwyddiad hanesyddol fyddech chi wedi hoffi bod yn rhan ohono?
Croesi'r Môr Coch.
Pa berson hanesyddol hoffech chi gyfarfod a beth fyddech chi yn ei ddweud neu yn ei ofyn?
Iesu Grist a bydden i'n gofyn iddo am ei farn am gyflwr y byd heddiw.
Pa un yw eich hoff daith a pham?
Cerdded o Ferthyr Mawr dros y twyni tywod i draeth Aberogwr. O'n ni'n mynd yna fel teulu pan o'n i'n blentyn gyda ffrimpan a llond bag o sosejys a chael barbaciw ar ôl cyrraedd.
Disgrifiwch eich hoff bryd bwyd?
Popadoms a cyri a photel o win coch.
Beth yw eich hoff weithgareddau amser hamdden?
Darllen, rhedeg, dysgu Sbaeneg a bwyta allan!
Pa un yw eich hoff liw?
Coch.
Pa liw yw eich byd?
Melyn
Pe gallech gyflwyno deddf newydd beth fyddai hi?
Dim rhagor o raglenni pry ar y wal.
A oes gennych lyfr arall ar y gweill?
Oes. Llyfr am fy mhrofiadau ym Mecsico.
Beth fyddai'r frawddeg agoriadol ddelfrydol i nofel neu waith arall?
Camodd Sara allan drwy'r drws ffrynt i weld bod y strydoedd yn wag a sylweddolodd mai hi oedd yr unig berson oedd ar ôl ar y ddaear.
|
|
|  | |  | |  | |  | | |  Sôn amdanynt
Rhestr o'r holl lyfrau sydd wedi cael sylw ar ±«Óãtv Cymru'r Byd.
|
|
|
|  | |  | | |  Gair am air:
Detholiad o ddyfyniadau - ydych chi'n gwybod pwy yw'r awdur?
|
|
|
|
|
|
Roger Boore
Llyfrau - gwefan newydd
Teulu Lòrd Bach
Petrograd
Lôn Goed
Silff y llyfrau diweddar
Hanner Amser
Deryn Glân i Ganu 
Awduron Cymru
Nadolig a Rhagfyr 2008
Dolennau defnyddiol