 |
|
Holi
awdur:
Tom Ellis
Awdur
Dan Loriau Maelor
|
•
Enw: :
Tom Ellis
Beth yw eich gwaith?
Wedi ymddeol
Pa waith arall ydych chi wedi bod yn ei wneud?
Glöwr, peiriannydd mwynglofaol, cemegydd, gwleidydd
O ble'r ydych chi'¹n dod?
Rhosllannerchrugog
Lle'r ydych chi'an byw yn awr?
Rhiwabon
Pa ddigwyddiad roddodd fwyaf o bleser ichi?
Dau yn gyfartal -
i. derbyn fy nhystysgrif fel rheolwr glofa
ii. cael fy ethol yn A.S.
Beth symbylodd eich llyfr diweddaraf?
Dwedwch ychydig amdano.
Teimlais y byddai llyfr yn adrodd hanesion glofaol o safbwynt rheolwr
pwll yn llenwi gwacter yn ein llenyddiaeth - a bûm erioed yn "llenor
manqué".
Hunangofiant traddodiadol - nid memoirs yw'r llyfr, ond gobeithiaf
y rhydd, hefyd, ddarlun o'r awdur.
Beth arall ydych chi wedi ei sgrifennu?
Erthyglau achlysurol yn ymdrin rhan fwyaf â gwleidyddiaeth a barddoniaeth.
Pa un oedd eich hoff lyfr pan yn blentyn?
Llyfrau "Just William" gan Richmal Crompton
A fyddwch yn edrych arno'n awr?
Na fyddaf
A oes unrhyw lyfr wedi gwneud argraff arbennig neu ddylanwadu arnoch?
"The Managerial Revolution" (James Burnham)
"The Management of Innovation" (Tom Burns & George Stalker)
Pwy yw eich hoff fardd?
Yn Gymraeg: Parry-Williams,
Yn Saesneg: R.S. Thomas
Pa un yw eich hoff gerdd?
"Drudwy Branwen" (Williams Parry)
"The Other" (R.S. Thomas)
Pa un yw eich hoff linell o farddoniaeth?
"Pan gyfyd, megis llef / Wedi distawrwydd hir / Mynyddoedd yn y nef,
/ A thros y tonnau, tir."
Pa un yw eich hoff ffilm a rhaglen deledu?
Does 'r'un
Pwy yw eich hoff gymeriad a'ch cas gymeriad mewn llenyddiaeth?
Hoff - Tomos Bartley
Cas - does neb y medraf ei gymryd o ddifrif
Pa ddywediad, dihareb, adnod neu gwpled sydd agosaf at y gwir?
'Rwy'n wych, rwy'n wael, rwy'n gymysg oll i gyd.'
Pa un yw eich hoff air?
amen.
Pa ddawn hoffech chi ei chael?
Y ddawn farddonol
Pa dri gair sy'n eich disgrifio chi orau?
Rhamantydd,
ymarferol,
Cymreig
A oes rhywbeth yr ydych yn ei ddrwglecio amdanoch eich hunan?
Tuedd i fod yn ysmala pan fo angen difrifoldeb
Pa berson byw neu hanesyddol ydych chi'¹n ei edmygu fwyaf a pham?
Emyr Humphreys am ei natur waraidd
Pa ddigwyddiad hanesyddol fyddech chi wedi hoffi bod yn rhan ohono?
Y chwyldro Ffrengig
Pa berson hanesyddol hoffech chi ei gyfarfod a beth fyddech chi
yn ei ddweud neu yn ei ofyn?
Ludwig Wittgenstein a gofyn ei farn am yr athronydd o Americanwr cyfoes
Richard Rorty
Pa un yw eich hoff daith a pham?
I fyny Stryt y Plas at giât y mynydd a mynydd y Rhos. Pan oeddwn yn
blentyn, yno yr oedd pawb yn mynd am bicnic; heddiw does neb yno,
ac y mae'r distawrwydd yn llesmeiriol.
Disgrifiwch eich hoff bryd bwyd?
Cyw iâr paprika a reis
Beth yw eich hoff weithgareddau amser hamdden?
Chwarae gramaffôn (a cheisio sgwennu).
Pa un yw eich hoff liw?
Glas dwfn.
Pa liw yw eich byd?
Oren gyda thinc o binc.
Pe gallech gyflwyno deddf newydd beth fyddai hi?
Yn ymarferol, cael gallu deddfwriaethol i'r Cynulliad Cenedlaethol.
Yn anymarferol, cael diddymu'r genedl-wladwriaeth Ewropeaidd.
A oes gennych lyfr arall ar y gweill?
Rhoesoch chwilen yn fy mhen!
Beth fyddai'r frawddeg agoriadol ddelfrydol i nofel neu waith llenyddol
arall?
Yr oedd R.S, Thomas yn fardd rhyfeddol, yr oedd yn wr priod rhyfedd.
 Ewch
i ddarllen
am Dan Loriau Maelor.
|
|
|
Gair
am air
Siart
Cymru
Llyfrau
ar y We
Nôl
i'r archif
