Stori Cantre’r Gwaelod
KASIA: Hei! Pwy sydd wedi clywed stori Cantre’r Gwaelod? Mae hi’n stori grêt!
CARTER: Ond trist iawn.
IZZIE: Ac yn codi ofn!
ELIN: Dydw i ddim wedi clywed y stori.
KASIA: Wyt ti eisiau clywed y stori, Elin?
ELIN: Hmmm, iawn.
KASIA: Amser maith yn ôl, roedd lle hardd yng ngorllewin Cymru o’r enw Cantre’r Gwaelod.
CARTER: Roedd y bobl yn hapus iawn ac yn tyfu pob math o fwyd ar y tir.
IZZIE: Adeiladon nhw waliau cryf o gwmpas Cantre’r Gwaelod. Roedd gatiau mawr i stopio’r môr rhag llifo i mewn.
KASIA: Un diwrnod, cafodd y brenin Gwyddno barti gwych.
CARTER: Ond roedd y dyn a oedd yn gofalu am y gatiau wedi cwympo i gysgu.
IZZIE: Llifodd y môr i mewn drwy’r gatiau a chafodd y tir ei foddi.
KASIA: Os wyt ti yn Aberdyfi ar fore dydd Sul…
CARTER: …a rwyt ti’n gwrando'n astud, maen nhw’n dweud galli di glywed Clychau Cantre’r Gwaelod yn canu o dan y môr…
KASIA/IZZIE/CARTER: Wyt ti’n clywed y clychau? Wyt ti’n clywed y clychau?
KASIA: Beth oedd hwnna?
KASIA/IZZIE/CARTER: Clychau!
ELIN: O, Gel!